كلام توجيهي علمي

يتغير اسمي من طالبة أول ثانوي الى طالبة توجيهي

مرحبا يا طلاب التوجيهي
هاذا بعض من كلام طالبة توجيهي علمي قد ما بتعاني يا حرام
فعلا انو طلاب التوجيهي بصيبهم عرق بس يصيرو توجيهي والكل ببلش حش اذا رسبت وما بتخلص من قرايبك واهلك انتا ما كنت تدرس انتا هامل انتا كنت تظل صافن الحق مش عليك الحق علينا احنا الي وثقنا فيك خزيتنا بين الناس .................وهاذ غير انه بجوز ينطرد من الدار او ينطخ يا حرام
خلينا نشوف الطالبه شو بتحكي
يعني انا لسا ما صرت توجيهي……….. وصارت حياتي كلها توجيهي بتوجيهي ..
بامكانكم تحكو انو صار فطوري وغداي وعشاي شربي والهوا الى بتنفسو توجيهي
حتى بنومي واحلامي لاحقني؟؟
هاد كوم واني "علمي" كوم تاني….؟
بنيجي بنسأل الي مجربين… اه احكولنا كيف التوجيهي؟؟؟؟؟؟؟؟
بحكو:
عادي هو صحيح لازم تكوني اينشتاين وابوكي يكون ارسطو
وامك مدام كوري… هو صحيح الاسئله من المريخ:
- كم عدد النمل في العالم؟
- اوجدي مساحة حبة السكر * اذا علمتي انه لايوجد سكر بالاصل؟
- كم عددحبات الرمل في زحل؟

(بقعدو ساعتين يحبطو فيك ) وبكرهوك عيشتك والساعة الي فكرت فيها تكون علمي
بس بالنهايه بحكولك: الي بدرس بنجح
بنيجي عند المعلمات …. اه كيف التوجيهي شو بتنصحونا؟
بحكولك:
سنه عاديه متل كل السنوات "بس" لازم تدرسو 24 ساعة باليوم وهاي السنه
الي بتحدد مصير حياتكم ( اما فوووووووووووووق او تحت)
احنا اصلا لما هلأ بعطونا سؤال بنبلم"بنصفن"
على طول بنطو وبحكولنا :
شو شفتو لسا؟
هاد تفه شي؟
كيييييييييييييف بالوزاره؟ لازم تكونو لماحات
(انتو طالبات علمي)؟
بصراحه انا صرت كل ماينجاب سيره العلمي بجيني مغص
والله انو صار"علمي" علمكم؟؟
على فكره عنا بكل مدارس الاردن عناصر شرطه وقت تقديم الامتحان
*مش لشي بس للحفاظ على امن المدرسه وراحه الطالب؟
وبكونو 15 مراقب فوق راسك وكانك بدك تهرب واي حركه تحرم من الماده؟
وهاد غير سيارات الاسعاف الي بتكون بره المدرسه تحسبا لأي طارئ
(وكل هاد وبحكولنا لاتخافو عادي خودو الامور ببساطه؟)
حتى العيله …..
صارت مجهزه حالها تحكو حالة حرب…:
امي… جهزت الغرفه الي رح تصير سجن الي
وعلى فكره الزيارات ممنوعه للعائله الي ابنها توجيهي
وبتكون لافته مكتوب فيها" الرجاء الهدوء في بيتنا توجيهي"
والجيران بستعدو بضبو ولادهم من اللعب بالشوارع ممنوع الاغاني ممنوع الصوت العالي………. وتكثر جملة : ( حراااام عندهم توجيهي)
اااااااااااااااااخ اخ تحكو انو همه التوجيهي مش انا؟؟
أما عن العبارات التوجيهيه للطالب التوجيهي:
- بدنا 90 وفوووق ما بنرضى باقل " صارو مختارين الجامعه الي بدي ادخلها والتخصص كمان"
- بالعيله معاكي هاي السنه شدي حالك بدنا نرفع راسنا فيكي " لاتخزينا"
- اطلعي شمي هوا عيشي حياتك بعدين بتصيري توجييييييييييهي وبتندمي
وما بكون عندك وقت تشوفي اهلك وبصير الاكل من تحت الباب يوصلك؟؟؟
حتى ستي ؟؟؟ من هلأ قاعده بتحوش عشر دنانير عشان تنقطني لما انجح
اهلي؟؟؟ مجهزين ومحددين وين الحفله بدها تصير وشو بدهم يلبسو كمان وأدق التفاصيل…,
خالاتي وخوالي بحكولي: انتي شاطره ما بنخاف عليكي؟
عمامي وعماتي ….. ما بجيبو سيره اصلا لأنهم حاطين نجاحي بجيبتهم الصغيره
اخوي مجهزلي الاساتزه (الي يمكن ما احتاجهم) ومواعيدهم وعاملي جدول
*انا بقترح يسموه ترويعي , تخويفي, تخريبي
بكون احسن………..؟
يعني تحكو انو انا رجل كرسي ….؟ ونجاحي تحصيل حاصل
بس والله اني بشفق عليهم(مساكين) كتير عندهم امل
بس عنجد
لانو " التوجيهي" غيييييييير

حتى ستي ؟؟؟ من هلأ قاعده بتحوش عشر دنانير عشان تنقطني لما انجح
اهلي؟؟؟ مجهزين ومحددين وين الحفله بدها تصير وشو بدهم يلبسو كمان وأدق التفاصيل…,
خالاتي وخوالي بحكولي: انتي شاطره ما بنخاف عليكي؟
عمامي وعماتي ….. ما بجيبو سيره اصلا لأنهم حاطين نجاحي بجيبتهم الصغيره

والله فعلا هالعبارات هاي ياما سمعتها لا مون شاطره ما بنخاف عليها ومون رح تطلع دكتورة العيله واكيد يا مون ما رح تاخدي منا اجرة المعاينه لما نزورك بالعياده ووو............... وبالاخر لما جبت معدل مو متل ما كانو متوقعين ولا انا متوقعه قالولي مهو الواحد قد ما درس قد ما جاب والشاطر شاطر من يومه والتوجيهي ببين المستويات ونسيو شو كنت قبل وانو طللعو عيوني وانا بدرس طول السنه

شوف هالتخلف بعد ما ضلو طول عمري يمدحو ويشكرو بامجادي بس النصيب حكم اني ما اجيب المعدل الي كنت اجيبه طول عمري بلش النق
شو بدنا نسوي عالم عقولها تاعبيتها بس عااااااااااااااادي بعد التجربه والله الواحد يسمع من هون ويطنش من هون يعني التوجيهي اسهل اشي بالدنيا ودراسته عاديه وكله في حال انو الواحد ما سمع كلام حدا وما تعب اعصابه وما توتر
وبالاخر نصيحه من قلبي لكل طلاب التوجيهي طنش تعش تنتعش انسا حكي الناس الي ما اله طعمه وادرس براحتك واعطي لحالك راحه بتجيب الي بدك ياه واكتر

اه والله سمعتها كتتتتتتتير جابولي الجلطه ...........واااااااااااااع